Tre persona që u mbajtën peng për orë të tëra në një klub nate në qytetin qendror të Ede, u liruan të shtunën, tha policia, por shtoi se “situata nuk ka përfunduar”.
Policia e Gelderland njoftoi lirimin e pengut në një mesazh në X, dikur Twitter. Ata nuk dhanë detaje të mëtejshme nëse kanë mbetur pengje të tjera në klub. Policia e armatosur rëndë dhe ekipet speciale të arrestimit, disa të veshur me maska, u grumbulluan jashtë klubit popullor.
Të shtunën herët, oficerët rrethuan një shesh në Eden qendrore dhe evakuuan rreth 150 shtëpi aty pranë, duke thënë se shumë njerëz po mbaheshin peng në një ndërtesë atje.
Zëdhënësi i policisë Simen Klok tha për Associated Press se njerëzit po mbaheshin peng, por ai nuk pranoi të jepte më shumë detaje për incidentin ose të thoshte se sa njerëz ishin të përfshirë.
Pengët po mbaheshin në Cafe Petticoat, një bar dhe klub nate i njohur në Ede, sipas një videografi të AP në vendngjarje.
Pamjet nga vendi i ngjarjes në Ede, një qytet tregu rural 85 kilometra (53 milje) në juglindje të Amsterdamit, treguan policinë dhe zjarrfikësit në rrugë në një zonë të rrethuar.
Bashkia tha se të gjitha dyqanet në qendër të Edes do të qëndrojnë të mbyllura ndërkohë që situata vijon. Trenat për në dhe nga stacioni i qytetit gjithashtu u ndaluan./ AP.