Policia e Kosovës ka njoftuar se një shtëpi është përfshirë nga zjarri në fshatin Restelicë të Dragashit. Sipas Policisë, një person kishte raportuar se shtëpia e tij ishtë përfshirë nga flakët. Shkaqet nuk dihen ende, rasti është duke u hetuar.
“Ankuesi, mashkull kosovar, ka raportuar se është përfshirë nga zjarri shtëpia e tij. Në lidhje me rastin është konsultuar prokurori i shtetit, rasti vazhdon të hetohet”, ka njoftuar Policia.
Nga zjarri është përfshirë dhe një objekt në fshatin Lubizhdë të Prizrenit, por Policia ka njoftuar se zjarrfikësit kishin arritur ta lokalizojnë zjarrin.
Flakët kishin shkaktuar dëme materiale, ndërkaq rasti është duke u hetuar.
“Është përfshirë nga zjarri një objekt pronë e ankuesit, mashkull kosovar. Njësiti i zjarrfikësve ka arritur që ta lokalizojë zjarrin. Si pasojë e zjarrit, janë shkaktuar dëme materiale. Në lidhje me rastin është konsultuar prokurori i shtetit, rasti vazhdon të hetohet”, ka raportuar Policia e Kosovës.