Ka përfunduar seanca e Kuvendit të Kosovës në mungesë kuorumi.
Kryeparlamentari, Glauk Konjufca tha se pikat e mbetura të seancës së sotme do t’i shqyrtojnë në seancën e radhës.
Në këtë seancë Kuvendi miratoi disa projektligje, përfshirë atë për Agjencinë e Inteligjencës dhe Sigurisë së Mbrojtjes, atë për vazhdimin e njohjes së statusit për viktimat e dhunës seksuale, Projektligjin për tekstet shkollore etj.
Ndërsa as në këtë seancë, deputetët e opozitës nuk votuan marrëveshjet ndërkombëtare.
“Kuvendi nuk ka kuorum, kështu që e mbyllim seancën. Kanë mbetur edhe 4-5 pika”, tha ai.
Gjatë ditës, Kuvendi i Kosovës me 61 vota pro ka miratuar në lexim të parë Projektligjin për pronën e paluajtshme, që mundëson faljen e 100 eurove të tatimit për këtë vit, derisa i njëjti projektligj u përcoll me debate të shumta ndërmjet mazhorancës dhe opozitës.