Gjatë kësaj të diele është zhvilluar ndeshja e finales së Superkupës së Kosovës mes Prishtinës dhe Trepçës.
Në këtë ndeshje Prishtina ka shkuar në epërsi solide prej 28-23.
Gjatë pjesës së parë shumë pak pikë janë realizuar për shkak të mbrojtjeve fantastike nga dy skuadrat.
Basketbollisti i Trepçës, Kendrick Brown ishte lojtari më i mirë në parket me 8 pikë të shënuara deri më tani.
Pas përfundimit të pjesës së parë, një përleshje e madhe ka ndodhur mes tifozëve të Prishtinës dhe atyre të Trepçës.
Torcidat dhe Plisat janë përleshur pas përfundimit të pjesës së parë dhe tashmë nuk dihet se a do të zbrazet salla në fillimin e pjesës së dytë.
Pas fillimit të përleshjeve Policia e Kosovës ka filluar intervenimet.