Presidentja e Kosovës, Vjosa Osmani dhe kryeministri Albin Kurti sot kanë pasur një diskutim në Kuvendin e Kosovës.
Nga ajo që ka kapur kamera e KosovaPress-it, Osmani dhe Kurti shihen të jenë më të tensionuar se zakonisht.
Madje, edhe gjuha e tyre trupore duket sikur e konfirmon se mes tyre mund të ketë pasur tension ose mospajtim për ndonjë çështje të caktuar.
Gjithçka ndodhi gjatë ditës së sotme (e enjte) të 21 dhjetorit në takimin e Këshillit për Demokraci dhe të Drejta të Njeriut.
E pyetur për këtë, Osmani tha se diskutimi ka qenë për zgjedhjet e përgjithshme.
“Për ligjin për zgjedhjet e përgjithshme dhe çështjen e përqindjes së grave në lista. Kështu që është përpjekje e vazhdueshme”, ka thënë Osmani.