Ish-futbollisti dhe analisti, Taulant Dajaku, është përplasur me drejtoreshën e marketingut në Federatën e Futbollit të Kosovës (FFK), Alba Morina.
Sipas Dajakut, Kombëtarja e Kosovës ka mundur të fitojë ndeshjen me Rumaninë si mysafir, me rezultat zyrtar, pasi ndeshja ishte ndërprerë për kore dhe banderola raciste.
”Vojvoda i ka tre, katër anëtarë të vrarë të familjes në luftë. Ajo stema dhe paraqitja e tyre e fyen identitetin e tij, mendoni që është në gjendje të vazhdojë lojën,” tha ai në emisionin ‘Dueli Sportiv’ në TV Dukagjini.
Teksa, Morina potencoi se FFK-ja “punon vetëm me procedura dhe është shumë e rëndësishme të mos thyen procedurat.”
Më poshtë mund të shikoni videon nga ky moment.