Të vështira e të tensionuara i ka quajtur kryenegociatori i Serbisë, Petar Petkoviq, bisedimet e së enjtes në Bruksel bashkë me kryenegociatorin e Kosovës, Besnik Bislimi, nën ndërmjetësimin e Bashkimit Evropian.
“Ky është takimi i gjashtë me radhë. Ne gjithmonë insistojmë që të flasim, ne gjithmonë insistojmë në takime, ne gjithmonë duam të vazhdojmë dialogun për këtë çështje për të zgjedhur një zgjidhje. Kjo ju tregon se sa konstruktiv”, tha Petkoviq, transmeton “RTS”.
Ai ka theksuar se takimi i radhës do të zhvillohet më 13 maj, e për të cilin shpreson se do të ketë përparim.
“Ne i bëmë komentet e fundit për propozimet e BE-së dhe ia dorëzuam Lajçakut me mirëbesim dhe të tilla u vlerësuan. Bislimi gjatë gjithë kohës bëri paralele, tha se nuk i interesojnë serbët që duan të braktisin Kosovën por ata që duan të integrohen, me të cilën edhe konfirmoi se politika e Kurtit është që të mos ketë serbë në Kosovë.”, tha Petkoviq.
Petkoviq tha se do të vazhdojë pala serbe të insistoi në themelimin e Asociacionin.