Plani i kryeministrit britanik Boris Johnson që t’i dërgojë azilkërkuesit 4 mijë milje larg në Ruandë është ilegal, sipas Kombeve të Bashkuara, dhe konsiderohet si “shkelje e rëndë e ligjit ndërkombëtar”.
Qeveria planifikon t’u japë një biletë njëdrejtimëshe azilkërkuesve për në Ruandë, në Afrikën Lindore. Johnson u zotua të bëjë “çfarëdo që duhet” për të zbatuar skemën e tij historike. Kryeministri i Mbretërisë së Bashkuar shtoi se “dhjetëra mijëra” emigrantë të Kanalit të La Manshit do të dërgoheshin 4 mijë milje larg, transmeton “Mail Online”.
UNCHR-ja “dënon fuqishëm dhënien e kontraktimit të përgjegjësisë kryesore për të marrë në konsideratë statusin e refugjatit”. Ndërsa, Kombet e Bashkuara dhe agjensia e saj e refugjatëve kritikon këtë propozim duke e quajtur si “shkelje të rëndë të ligjit ndërkombëtar”.
Qeveria njofton se në këtë javë planifikon t’u sigurojë azilkërkuesve, një biletë për në Ruandë, pasi që ky vend i ofron azilkërkuesve të drejtën e aplikimit për të jetuar në vendin afrikan.
Gillian Triggs, ndihmës sekretar i përgjithshëm i UNCHR-së tha se agjencia dënon fuqishëm propozimin e Johnson-it, siç propozohet edhe nga Kryeministri dhe Sekretarja e Brendshme Priti Patel.
Vendet si, ishulli Ascension në Oqeanin Atlantik, Shqipëria dhe Gjibraltari kanë refuzuar pranimin e emigrantëve.