Policia e Kosovës ka publikuar statistikat e përgjithshme nga raporti 24-orësh, ku evidentohet një numër i konsiderueshëm aksidentesh dhe shkeljesh në trafik.
Sipas të dhënave zyrtare, gjatë kësaj periudhe janë regjistruar dy aksidente trafiku me fatalitet, ndërsa 23 aksidente të tjera kanë përfunduar me persona të lënduar. Po ashtu, janë raportuar 35 aksidente me dëme materiale.
Në kuadër të kontrollit dhe sigurisë në komunikacion, policia ka shqiptuar gjithsej 2,113 tiketa trafiku ndaj kundërvajtësve.
Ndërkohë, 15 persona janë arrestuar, ndërsa 7 të tjerë janë dërguar në mbajtje. Një person është dërguar në vuajtje të dënimit, ndërsa nuk është raportuar asnjë rast i ndalimit policor gjatë kësaj periudhe.
Policia e Kosovës vazhdon të bëjë thirrje për kujdes të shtuar në trafik dhe respektim të rregullave të komunikacionit, me qëllim parandalimin e aksidenteve dhe ruajtjen e jetës së qytetarëve.