Drejtoria e Policisë së Kryeqytetit ka njoftuar se po vazhdon operacionet për kapjen e personave të dyshuar dhe atyre të dënuar për veprat penale.
Nësitë e stacionit policor “Veriu” në Prishtinë kanë arrestuar T.B., 28 vjeç, shtetas i Republikës së Kosovës, i dënuar më parë me 2 vite e 2 muaj burgim për veprën penale “Blerje, posedim dhe shitje e paautorizuar e narkotikëve”. Përveç dënimit, ai ishte në kërkim si i dyshuar për veprën penale “Dhunë në familje”.
“Drejtoria e Policisë së Kryeqytetit po vazhdon ndërmarrjen e veprimeve policore me qëllim kapjen e personave të dyshuar dhe atyre të dënuar si autor të veprave penale. Në kontekstin e kësaj, sonte nga veprimet e marra nga njësitë e stacionit policor Veriu në Prishtinë, është arritur arrestimi i personit të kërkuar:
·T.B, mashkull, 28 vjeç, shtetas i Republikës së Kosovës, i dënuar me 2 vite e 2 muaj burgim për veprën penale “Blerje, posedim dhe shitje e paautorizuar e narkotikëve”, si dhe në kërkim si i dyshuar për “Dhunë në familje” Po ashtu, gjatë operacionit të dyshuarit i është gjetur edhe një sasi e dyshuar e substancave narkotike. I njëjti pas arrestimit nga ana e policisë është dërguar në vuajtje të dënimit”, thuhet në njoftim.