Raporti i përditshëm i Policisë së Kosovës ka bërë të ditur se të premten e 11 nëntorit, është arrestuar i dyshuari, mashkull kosovar, pasi në klasën e tij, ai kishte hedhur sprej lotsjellës.
Raporti i PK-së ka njoftuar se i dyshuari është i mitur.
Spreji pas veprimeve të Policisë është konfiskuar. Ndërkaq, i dyshuari me vendim të prokurorit është dërguar në mbajtje.
“PËRDORIM I ARMËS APO MJETIT TË RREZIKSHËM- Rr. Haxhi Zeka, Prishtinë 11.11.2022 – 12:25. Është arrestuar i dyshuari, mashkull kosovar i mitur, pasi në klasën e tij kishte hedhur (përdorur) sprej lotsjellës. Sprej është konfiskuar dhe me vendim të prokurorit i dyshuari është dërguar në mbajtje”, thuhet në raportin e PK-së.