Përmes një postimi në rrjetin social Facebook, Dogana e Kosovës ka bërë njoftimin për largimin nga detyra të një zyrtari policor i cili gjatë ushtrimit të detyrave të punës ka bërë shkelje serioze të kodit të etikës, e të cilat janë të pa pranueshme për sistemin e standardeve dhe vlerave që përfaqëson Dogana e Kosovës si institucion publik.
“Prishtinë 2 gusht 2022. Dogana e Kosovës ka marr vendim për largim nga puna të zyrtarit doganor, kundër të cilit egziston dyshimi i bazuar për keqpërdorim të pozitës apo autoritetit zyrtar”.
“Dogana e Kosovës është e përkushtuar që të mos lejoj asnjë shkelje të procedurave dhe të gjithë zyrtarët tonë të jenë në nivelin më të lartë të detyrës.”, kanë shkruar në Facebook.
Në mënyrë që të evitohen këto shkelje të ligjit Dogana e Kosovës ka ftuar qytetarët të njoftojnë secilin rast të sjelljes jo etike të zyrtarëve doganor në numrin e telefonit 080050095.
Aplikacioni eDogana është lansuar për lajmërimin e parregullsive dhe të sjelljeve jo profesionale.