Jemi në prag të festave të fundvitit, dhe me këtë rast Policia e Kosovës ka shpërndarë dhurata për fëmijët në veri të Mitrovicës.
Policia nëpërmjet një njoftimi për media ka thënë se së bashku Drejtorinë e Policisë në Bashkësi dhe Preventivë, ka vazhduar nëpër rajone të ndryshme të vendit shpërndarjen e dhuratave për fëmijë.
Sipas njoftimit të policisë, njësitet policore të Mitrovicës, kanë shpërndarë dhurata për fëmijët në Lagjen e Boshnjakëve, Kodrën e Minatorëve dhe në Lagjen e Doktorëve.
“Kështu, njësi policore në Mitrovicë Veri, kanë shpërndarë dhurata për fëmijët në Lagjen e Boshnjakëve, Kodrën e Minatorëve, Lagjen e Doktorëve, dhuratat janë shpërndarë për fëmije të të gjitha komuniteteve që jetojnë në atë pjesë të vendit”, thuhet në njoftimin e policisë.
Gjithashtu, me qellim që policia të jetë sa më afër familjeve të policëve të rënë në krye të detyrës, familjeve të tyre si dhe fëmijëve të tjerë shfrytëzoi mundësin e implementim të Projektit “Të Festojmë së Bashku”, duke shpërndarë dhurata për fëmijë me rastin e festave të fundvitit.
Sipas njoftimit të policisë, në kuadër të këtij projekti edhe policët nga Stacionet Policor Prizren, Suharekë, Dragashë dhe Mamushë kanë shpërndarë dhurata për fëmijët.
“Dhuratat shpërndahen për fëmijët bonjak në SOS fshatra, fëmijët me Down Syndrome dhe autizëm, fëmijët të cilët festat e fundvitit duhet t’i presin në spitale për shkak të sëmundjeve ( repartet pediatrike), fëmijëve të policëve të rënë në detyrë (fëmijëve të policit-dëshmor Sami Thaqi)”, ka njoftuar polica.
Po ashtu, policia ka bërë të ditur se gjatë shpërndarjes së dhuratave janë përfshihen edhe fëmijët e minoriteteve.