Policia e Kosovës ka kërkuar bashkëpunim nga qytetarët për kapjen e 17-vjeçarit Lordi Sulja, i kërkuar për veprat penale vrasje e rëndë, vrasje e rëndë në tentativë dhe mbajtje në pronësi, kontroll ose posedim i paautorizuar i armëve.
Lordi Sulja, shtetas holandez, po dyshohet për vrasjen e rëndë në Podujevë, që ka ndodhur më 11 shtator të këtij viti.
“Njësiti i hetimeve të përgjithshme që operon në kuadër të Drejtorisë Rajonale të Policisë në Prishtinë, me autorizim nga prokuroria kompetente, kërkon ndihmë nga qytetarët në ofrimin e informatave, të cilat do të ndihmonin në arrestimin e personit të dyshuar. I dyshuari Lordi Arsim Sulja nga fshati Gllamnik, me nënshtetësi Holandeze, kërkohet për vrasjen e rëndë që ka ndodhur me 11.09.2023, në Podujevë”, thuhet në njoftimin e publikuar në Facebook.
Policia i ka ftuar qytetarët të kërkojnë në numrin e telefonit 192.
Një person ishte vrarë në rrugën “Zahir Pajaziti” në Podujevë, e një tjetër kishte mbetur i plagosur, njoftoi Policia e Kosovës.