“Sot në orët e paradites, Policia ka pranuar informacion në lidhje me dyshimin se në një magazinë (depo) në Leposaviq mund të ketë mall të kontrabanduar”.
Kështu ka deklaruar për Portalin Dukagjini, zëdhënësi i Policisë për Rajonin e Veriut, Veton Elshani.
Sipas tij, pas këtij informacioni, Policia bashkë me Krimet Ekonomike dhe Doganën kanë shkuar në vendin e ngjarjes, ku edhe janë duke kryer punën e tyre.
Elshani ka shtuar se aksioni është duke u zhvilluar nën dyshimet për kontrabandë me mallra, derisa theksoi se momentalisht nuk ka persona të arrestuar.
“Sot në orët e paradites, Policia ka pranuar informacion në lidhje me dyshimin se në një magazinë (depo) në Leposaviq mund të ketë mall të kontrabanduar. Policia ka shkuar në vendin e ngjarjes dhe së bashku edhe me krimet ekonomike dhe doganën janë duke e kryer punën e tyre. Biznesi është i regjistruar, por po shikohet për mall të kontrabanduar. Nuk ka të arrestuar”, deklaroi Elshani.