Policia e Kosovës ka bërë të ditur se brenda 24 orëve dy persona janë gjetur të vdekur, njëri Lubozhdë të Istogut e tjetri në Malishevë.
Siç, njofton Policia viktima nga Istogu është gjetur në pyll pa shenja jete nga familjarët.
“Lubozhdë-Istog: Viktima mashkull kosovar nga familjarët është gjetur në pyll pa shenja jete , vdekjen e tij e ka konstatuar ekipi mjekësor i QKMF-së. Me vendim të prokurorit, trupi i pajetë i viktimës është dërguar në IML për Obduksion”, thuhet në raport, ku Policia e ka cilësuar rastin si “hetim i vdekjes”.
“Hetim i vdekjes” është cilësuar nga Policia edhe vdekja në Malishevë, ku theksohet se “është raportuar se një punëtor-roje është gjetur i alivanosur” dhe se “në vendin e ngjarjes kanë dal njësitë policore si dhe ekipi i Emergjencës nga QKMF Malishevë dhe nga mjeku kujdestar është konstatuar vdekja e viktimës mashkull kosovar”.
“Me urdhër të prokurorit, trupi i pa jetë është dërguar në IML për obduksion. Rasti nën hetime”, thuhet në raportin e Policisë.