Policia e Kosovës ka bërë të ditur se ka nisur hetimet për tre vdekje të dyshimta që kanë ndodhur gjatë 24 orëve të fundit në vend.
Sipas raportit 24-orësh të Policisë, rastet kanë ndodhur në Gjilan, Prizren e Zveçan, njofton Dukagjini.
Viktimat, dy burra dhe një grua, të gjithë shtetas të Kosovës, janë gjetur të pajetë dhe trupat e tyre janë dërguar për obduksion në Institutin e Mjekësisë Ligjore, me vendim të prokurorit.
“Gjilan / 04-05.03.2026 – NN. Pasi është raportuar se viktima femër ndodhet e shtrirë në oborrin e saj, lidhur me rastin njësitë relevante policore dhe ekipi mjekësor kanë dalë në vendin ngjarjes ku është konstatuar vdekja e viktimës femër kosovare. Me vendim të prokurorit, trupi i pajetë është dërguar në IML për obduksion”.
“Prizren /05.03.2026 – 13:20. Lidhur me rastin viktima mashkull kosovar është dërguar në spitalin rajonal Prizren, ku ekip mjekësor ka konstatuar vdekjen e viktimës. Me vendim të prokurorit, trupi pajetë është dërguar në IML për Obduksion”.
“Zveçan / 01-05.03.2026 – NN. Më 05.03.2026 është raportuar se është gjetur pa shenja jete viktima mashkull kosovar. Me vendim të prokurorit trupi i pajetë është dërguar në IML për Obduksion”, thuhet në raportin policor.