Policia e Kosovës ka paralajmëruar shoferët për rreziqet në komunikacion si pasojë e mjegullës që ka përfshirë rajonin e Ferizajt, duke përfshirë komunat Kaçanik, Shtime, Shtërpcë dhe Hani Elez.
Sipas njoftimit, dukshmëria në rrugë është ulur, sidomos në zonat më të ulëta gjeografike dhe afër lumenjve.
Autoritetet policore këshillojnë:
- Ndizni dritat e shkurtra dhe dritat e mjegullës;
- Mos përdorni dritat me rreze të gjata;
- Ngadalësoni dhe mbani shpejtësinë nën kontroll;
- Mbani krahun e djathtë të rrugës;
- Rritni vëmendjen ndaj ndryshimeve të papritura të dukshmërisë.
Policia ka theksuar se mjegulla mund të krijojë iluzione optike, duke ju bërë të mendoni se po lëvizni më ngadalë sesa në të vërtetë.
Autoritetet u bëjnë thirrje shoferëve që të jenë të kujdesshëm, pasi siguria në trafik është përgjegjësi e përbashkët.