Policia e Kosovës këtë të enjte do të organizojë shkatërrimin e armëve të konfiskuara gjatë aksioneve të ndryshme për zbatimin e ligjit.
Në komunikatë thuhet se në ceremoninë e organizuar për këtë rast do të marrin pjesë personalitete të larta nga Policia e Kosovës, Ministria e Punëve të Brendshme dhe partnerë ndërkombëtarë.
“Konfiskimi dhe shkatërrimi i këtyre armëve janë rezultati i bashkëpunimit dhe bashkëveprimit të palëve dhe institucioneve të ndryshme të zbatimit të ligjit, partnerëve ndërkombëtarë dhe qytetarëve të Kosovës në përgjithësi, andaj pritet të marrin pjesë personalitete të larta nga PK-ja, MPB-ja dhe partnerë ndërkombëtar”- thuhet në njoftimin e Policisë së Kosovës.
Sipas njoftimit, ceremonia për shkatërrimin e armëve të konfiskuara do të fillojë nga ora 09:00 në fshatin Prelez, në magjistralen Prishtinë- Ferizaj.