Policia e Kosovës ka njoftuar se po realizon kontrolle të jashtëzakonshme në rajonin e Mitrovicës së Jugut.
Sipas njoftimit të PK-së thuhet se kontrollet e jashtëzakonshme janë realizuar në lokacione të ndryshme si dhe janë kontrolluar mbi 600 persona, ku përveç një person në Mitrovicë i është sekuestruar arma e llojit pistoletë. Këto kontrolle janë realizuar brenda tri ditësh.
“Kontrollet e jashtëzakonshme janë realizuara në lokacione të ndryshme, ku janë kontrolluar mbi 600 persona, ku përveç një rasti në një lokal (kafiteri) në Mitrovicë, ku te një person është gjetur dhe sekuestruar një armë e llojit pistoletë, tek personat tjerë nuk është gjetur asgjë e kundërligjshme.
Gjatë realizimit të këtyre kontrolleve, policia është përkujdesur që të gjitha masat e ndërmarra të jenë në përputhje me ligj dhe akte tjera normative duke respektuar të drejtat dhe liritë e çdo qytetari”, vijon njoftimi.
Në njoftim PK-ja bëri të ditur se “gjatë realizimit të këtyre kontrolleve, policia është përkujdesur që të gjitha masat e ndërmarra të jenë në përputhje me ligj dhe akte tjera normative duke respektuar të drejtat dhe liritë e çdo qytetari”.
“Policia, falënderon qytetaret për mirëkuptim gjatë kontrolleve të kësaj natyre, që kanë për qëllim parandalimin e gjërave të kundërligjshme që hasen në posedim te qytetarët”, përfundon njoftimi.