Ish-ambasadorja e Kosovës në Shtete e Bashkuara të Amerikës(ShBA), Vlora Çitaku, ka reaguar pas postimit të kryeministrit të Kosovës Albin Kurti në rrjetin e tij, social Twitter, ku ka deklaruar “u ktheva në Elysee, hera e tretë në dy vite”.
Sipas Çitakut, kjo deklarata e kryeministri është bërë me mburrje, por ajo e ka quajtur “Diplomaci për Fillestarët”.
“Kryeministër, dy nga këto tri herë kanë qenë pritje për të gjithë udhëheqësit e shteteve, përfshirë dhe presidentin e Serbisë Aleksandar Vuçiq-in si pjesë e konferencave ndërkombëtare”, ka shkruar nënkryetarja e Partisë Demokratike të Kosovës Vlora Çitaku.
“Si Ambasadore p.sh, kjo i bie sikur me i numru e me u mburrë me kartolinat e ftesat për festat e fundvitit në Shtëpinë e Bardhë, që ju shkojnë me automatizëm të gjitha misioneve diplomatike”, ka shtuar ajo.
Ajo ka përfunduar duke thënë se është “për keqardhje”.
Back to Élysee, my third time in two years. Thanked President @EmmanuelMacron for the French-German proposal as a good basis for talks to normalize relations between Kosova & Serbia. We are committed to rule of law and President Macron confirmed his support for peace & security. pic.twitter.com/cnUg5MpIJ4
— Albin Kurti (@albinkurti) November 10, 2022