Presidenti i Izraelit, Isaac Herzog, të dielën e 13 nëntorit, i ka kërkuar Benjamin Netanyahut të formojë qeverinë e re, duke i lejuar ish-kryeministrit të sigurojë këtë post për herë të gjashtë dhe të zgjasë rekordin e tij si udhëheqësi më jetëgjatë i vendit.
“Qytetarët e Izraelit kërkojnë një qeveri të qëndrueshme dhe funksionale. Një qeveri që u shërben të gjithë qytetarëve të Izraelit, si atyre që e mbështetën dhe votuan për të, ashtu edhe atyre që kundërshtuan krijimin e tij; një qeveri që punon në emër dhe për hir të të gjitha nuancave të mozaikut izraelit, nga të gjitha komunitetet, sektorët, besimet, fetë, stilet e jetesës, besimet dhe vlerat, dhe që i trajton të gjithë me ndjeshmëri dhe përgjegjësi”, ka thënë Herzog.
Ndërkaq, Netanyahu është shprehur “të lutem Zot, të jetë një qeveri e qëndrueshme, e suksesshme dhe e përgjegjshme e të gjithë popullit të Izraelit. Ne jemi vëllezër dhe do të jetojmë së bashku krah për krah”.
Izraelitët kanë votuar më 1 nëntor për të pestën herë në katër vjet, për të thyer ngërçin politik në vend, raporton CNN.
Partia Likud e Netanyahut ka fituar shumicën e vendeve në Knesset dhe ish-kryeministri do të ketë 28 ditë kohë për të formuar një qeveri koalicioni.