Një person në Pejë ka raportuar në polici se djali i tij është sulmuar me armë zjarri nga persona të panjohur.
Rasti sipas tij ka ndodhur të mërkurën, e viktima nuk dihet nëse ka pranuar trajtim mjekësor pasi sipas prindit të tij nga frika ka rezervuar biletën e aeroplanit dhe është larguar.
Policia përmes raportit të përditshëm ka njoftuar se në vendin e ngjarjes janë gjetur dhe konfiskuar 2 fishekë dhe 2 gëzhoja.
Viktima, sipas policisë, nuk ka qenë i qasshëm të intervistohet.
Rasti është iniciuar si “Vrasje në tentativë”.
“Ankuesi kosovar ka raportuar se, me datën dhe kohën e cekur, persona të panjohur për motive ende të panjohura kanë shtënë me armë zjarri në drejtim të viktimës-djalit të tij. Viktima, sipas ankuesit ka pësuar lëndime, por tretman mjekësor nuk dihet nëse ka pranuar pasi sipas ankuesit i njëjti nga frika ka rezervuar biletën e aeroplanit dhe është larguar. Njësitet në vendin e ngjarjes kanë gjetur dhe konfiskuar 2-fishekë dhe 2 gëzhoja cal-7.62 mm. Viktima nuk ka qenë i çasshëm për njësitet policore për t’u intervistuar. Lidhur me rastin është informuar e konsultuar edhe prokurori, ndërsa rasti është duke u hetuar”, thuhet në raportin e PK-së.