Prindon Sadriu ka reaguar ndaj raportimeve për shkollimin e vajzave të tij dhe përdorimin e resurseve shtetërore për mbrojtjen e tyre, duke i quajtur ato si “nxitje për dhunë ndaj fëmijëve të vegjël” nga mediat.
Në një postim në Facebook, Sadriu tha se disa media dhe individë, që ai i përmend si “buzhalistë, kajtazistë e mehmetaj”, nuk janë kritikë, por përhapin urrejtje dhe shpifje.
“Postimet e mbushura me shpifje dhe frikë nuk janë lajme e opinione — janë udhëzime dhe nxitje për dhune edhe ndaj fëmijëve të vegjël. Në të kaluarën jo shumë të largët ato kanë prodhuar pasoja shumë të rënda ndaj viktimave të këtyre fletrrufeve” shkroi ai.
Sadriu theksoi se koha e dhunës politike dhe likuidimeve fizike ka kaluar, dhe paralajmëroi se kushdo që tenton të krijojë një skenar të tillë i bën dëm kauzës për një shtet të lirë dhe demokratik.