Zëvendëskryeministri i Kosovës, Besnik Bislimi dhe ministrja për Çështje Evropiane të Malit të Zi, Maida Gorçeviq, këtë të premte do të nënshkruajnë marrëveshjen Kosovë – Mali i Zi për Programin e Bashkëpunimit Ndërkufitar IPA III për vitet 2021-2027.
Nënshkrimi pritet të bëhet në orën 13:30.
Pas ceremonisë së nënshkrimit do të mbahet konferencë për media.
Ndërsa, Ministria e Administrimit të Pushtetit Lokal do të mbajë konferencën përfundimtare të Programit të Bashkëpunimit Ndërkufitar IPA II për Malin e Zi-Kosovë 2014-2020.
Do të marrin pjesë ministri i MAPL-së, Elbert Krasniqi, ministrja për Çështje Evropiane e Malit të Zi, Maida Gorçeviq.