Pronari i kompanisë së dronëve Bayraktar TB-2 në Turqi, Haluk Bayraktar ka falënderuar kryeministrin e Kosovës, Albin Kurti për vizitën e tij në kompaninë “Baykar” me ç’rast vizitoi edhe prototipin e avionit luftarak pa pilot të kësaj kompanie.
Bayraktar ka thënë se teknologjia e avancuar e kompanisë kontribuon në sigurinë rajonale.
“Faleminderit kryeministër Albin Kurti për vizitën tuaj. Ne jemi të nderuar me vizitën tuaj dhe jemi krenarë që prezantojmë prototipin e Kizilelma. Teknologjia jonë e avancuar UAV forcon aftësitë tona mbrojtëse dhe kontribuon në paqen dhe sigurinë rajonale. Së bashku, ne do të punojmë për të siguruar paqen dhe promovojmë partneritete të qëndrueshme”, ka shkruar Haluk Bayraktar në platformën “X”.
Thank you, Prime Minister @AlbinKurti, for your visit. We are honored with your visit and proud to showcase the Kızılelma prototype. Our advanced UAV technology strengthens our defense capabilities and contributes to regional peace and security. Together, we will work for the… https://t.co/04RwDpVoGt
— Haluk Bayraktar (@haluk) June 3, 2024
Kosova bleu dronin Bayraktar TB-2 vitin e kaluar nga kompania turke, për të cilat Kurti kishte thënë se ato do të përdoren për të rritur sigurinë në vend.
Kurti viziton kompaninë që prodhon dronët e njohur Bayraktar