Propagandë pro-iraniane në SHBA: Mbesa e Soleimanit përballet me deportim nga Amerika

Departamenti i Shtetit të SHBA-së njoftoi sot se Hamideh Soleimani Afshar, mbesa e komandantit të lartë iranian Qasem Soleimani, dhe vajza e saj janë arrestuar nga Shërbimi i Imigracionit dhe Doganave dhe përballen me deportim.

Afshar, e cila jetonte në Los Angeles, akuzohet se ka promovuar propagandën e regjimit iranian, ka festuar sulmet ndaj trupave dhe objekteve ushtarake amerikane në Lindjen e Mesme, dhe ka shprehur mbështetje të palëkundur për Korpusin e Gardës Revolucionare Islamike, i cili është i shpallur organizatë terroriste nga SHBA-ja.

Sekretari i Shtetit, Marco Rubio, deklaroi se Afshar dhe vajza e saj kishin leje qëndrimi në SHBA, të cilat janë revokuar. Ai shtoi se administrata nuk do të lejojë që vendi të bëhet një “shtëpi për shtetas të huaj që mbështesin regjimet terroriste antiamerikane”.

“Ndërsa jetonte në Shtetet e Bashkuara, ajo promovoi propagandën e regjimit iranian, festoi sulmet kundër ushtarëve amerikanë dhe objekteve ushtarake në Lindjen e Mesme, vlerësoi Udhëheqësin e ri Suprem iranian, denoncoi Amerikën si ‘Satani i Madh’ dhe shprehu mbështetjen e saj të palëkundur për Trupat e Gardës Revolucionare Islamike, një organizatë e përcaktuar si terroriste. Afshar Soleimani e shtyu këtë propagandë për regjimin terrorist të Iranit ndërsa shijonte një stil jetese luksoz në Los  Angeles, siç dëshmohet nga postimet e saj të shpeshta në llogarinë e saj të fshirë së fundmi në Instagram“, ka njoftuar Rubio.

Until recently, Hamideh Soleimani Afshar and her daughter were green card holders living lavishly in the United States.

Afshar is the niece of deceased Iranian Major General Qasem Soleimani. She is also an outspoken supporter of the Iranian regime who celebrated attacks on…

— Secretary Marco Rubio (@SecRubio) April 4, 2026