Gazeta Blic ka publikuar pamjet e pa redaktuara të momentit kur ndodh përplasja fizike ndërmjet deputetit të Lidhjes Demokratike të Kosovës (LDK), Armend Zemaj, dhe një qytetari në sheshin e kryeqytetit.
Ngjarja ka ndodhur gjatë një interviste që Zemaj po zhvillonte me gazetarin Astrit Gashi për emisionin “Blic Interview”.
Në video shihet momenti kur ndërhyrja fizike ndodh papritur, ndërsa ekipi i xhirimit përpiqet ta qetësojë situatën.
Pas publikimit të pamjeve, deputeti Armend Zemaj ka reaguar përmes një deklarate publike, duke shprehur keqardhje për incidentin dhe duke kërkuar falje.
“Shpreh keqardhje për këtë situatë të papërshtatshme dhe kërkoj falje publike për atë që ndodhi”, ka deklaruar Zemaj, duke theksuar se rasti nuk reflekton qëndrimet e tij personale apo politike.
Incidenti me një qytetar, Zemaj kërkoi falje publike – LDK-ja solidarizohet me deputetin
Incidenti fizik me një qytetar, Zemaj: Reagova në vetëmbrojtje në afekt, kërkoj falje publike