Lideri suprem i Iranit, Ayatollah Ali Khamenei, do të jetë nikoqiri i takimit mes presidentit rus Vladimir Putin, dhe atij turk Rexhep Tajip Erdogan.
Sipas një zyrtari turk në Teheran do të diskutohet rreth eksportit të grurit, Sirisë dhe Ukrainës, njofton BBC.
Kjo vizitë e Putinit është e dyta që nga fillimi i luftës në Ukrainë.
Vizita e parë e tij ishte në qershor, kur vizitoi Taxhikistanin dhe Turkmenistanin, të dyja ish-anëtare të BRSS-së, tash të udhëhequrnga lider prorus.
Vizita e së martës do t’i ofrojë Putinit mundësinë për të thelluar lidhjet me Iranin, një nga pak aleatët ndërkombëtarë të mbetur të Moskës dhe një objektiv tjetër i sanksioneve ekonomike perëndimore.
Kjo vizitë vjen pas akuzave të zyrtarëve amerikanë javën e kaluar se Teherani po planifikonte të furnizonte Rusinë me qindra drone për luftën e saj në Ukrainë.
Ndërsa, këshilltari kryesor i Putinit për politikën e jashtme Yuri Ushakov, ka thënë se “Kontakti me Khamenei është shumë i rëndësishëm”