Ndonëse pati kritika të shumta, por megjithatë kryetari i Prishtinës, Përparim Rama nuk hoqi dorë që të vazhdojë testimin e qarkores njëkahëshe për automjetet.
Ai këtë testim e bëri për tre ditë radhazi.
Megjithëse të premten u shkaktua një kaos trafiku, qytetarët të cilët po i frekuentojnë rrugët e kryeqytetit tashmë kanë filluar që ta mbështesin këtë testim.
“Po more ma mirë, po mendoj që ma mirë edhe po mendoj që në të ardhmen ndoshta e bëjnë deri në fund shesh. Ka qenë kolonë, është e vërtetë por ndoshta nuk janë sistemuar të gjitha si duhet, me semafora, edhe po mendoj që njerëzit nuk e kanë ditë cilën rrugë me e zgjedhë, nuk kanë pasur dijeni që është e bllokuar besoj që do të mësohen”, ka thënë një qytetar.
“Shumë mirë ja kanë bo”, “Shumë mirë, super e kanë bo. Ma mirë shumë ma mirë është qështu”, ishin fjalët e dy qytetarëve të tjerë.
Ndërsa eksperti i komunikacionit, Nol Dedaj, ka thënë se vendimi për testimin e qarkohes njëkahore është bazuar në hulumtime dhe bazë shkencore, duke theksuar se ky testim duhet të kalojë në një fazë tjetër.
“Tash është çështja e menaxhimit të komunikacionit, që të premten ka çaluar çështja e menaxhimit të komunikacionit, prej sinjalizimit deri te menaxhimi i qarkullimit të automjeteve pikërisht edhe kemi pasur një kaos dhe ka qenë një numër enorm i automjeteve”, ka thënë Dedaj.
RTV Dukagjini ka tentuar të marrë dhe një përgjigje nga zyrtarët Komunal në lidhje me ecurinë e këtij procesi dhe çka tash e pas, por të njëjtit nuk kanë qenë të qasshëm.