Kryetari i Prishtinës, Përparim Rama, i ka dërguar një kërkesë urgjente kryeministrit në detyrë lidhur me ndarjet buxhetore për vitin 2025.
Në kërkesë, Rama thekson se Ministria e Financave nuk ka dhënë përgjigje për kërkesat e shumta të drejtuara më herët, duke krijuar një bllokadë që rrezikon funksionimin e shërbimeve publike në kryeqytet.
Ai i kërkon kryeministrit në detyrë: Alokimin e plotë të të hyrave vetanake dhe zbatimin e vlerave të miratuara për Ndarjen Buxhetore 2025.
Rama ka thënë se është e papranueshme që qytetarët të bëhen peng i dinamikave politike dhe kërkon veprim të menjëhershëm nga institucionet përgjegjëse.