Kryetari i Prishtinës, Përparim Rama, vlerëson se iniciativa tashmë tradicionale, maratona humanitare e fundvitit, “Vrapo Babadimër”, tregoi fuqinë e solidaritetit në kryeqytet.
Rama thotë se për dhjetë vite me radhë, kjo nismë po kthen vrapin në shpresë dhe ndihmë konkrete për fëmijët dhe familjet në nevojë, njofton Dukagjini.
Tutje, ai shtoi se Prishtina do të jetë gjithmonë përkrah iniciativave që ndihmojnë, jo vetëm në festa, por gjatë gjithë vitit teksa falënderoi të gjithë pjesëmarrësit.
“Edicioni jubilar i “Vrapo Babadimër” tregoi edhe një herë fuqinë e solidaritetit në Kryeqytet. Për dhjetë vite me radhë, kjo nismë po kthen vrapin në shpresë dhe ndihmë konkrete për fëmijët dhe familjet në nevojë. Kryeqyteti do të jetë gjithmonë përkrah iniciativave që ndihmojnë, jo vetëm gjatë festave, por gjatë gjithë vitit. Faleminderit për energjinë, pozitivitetin dhe shpirtin tuaj bujar!”, ka shkruar Rama.