Kryetari i Prishtinës, Përparim Rama, ka bërë të ditur se sot kanë diskutuar detajet e fundit të projektit për spitalin e kryeqytetit.
Rama ka thënë se ky spital do të bëjë më të lehtë qasjen në shërbimet shëndetësore dytësore për qytetarët e Prishtinës.
“Sot diskutuam detajet finale të projektit të Spitalit të Kryeqytetit. Një projekt i shumëpritur që do ta bëjë më të lehtë qasjen në shërbimet shëndetësore dytësore për qytetarët e Prishtinës”, ka shkruar Rama në Facebook.
Tutje, Rama ka thënë se repartet e këtij spitali do të jetë me standarde evropiane.
“Kardiologji, pediatri, gjinekologji e shumë reparte të tjera me kushte e standarde të nivelit evropian. Shumë shpejt projekti do të tenderohet dhe do të filloj ndërtimi”, ka vijuar ai.
