Më 4 qershor 2021, në ora 18:00 në Kuvendin e Shqipërisë do të zhvillohet raundi i katërt për votimin e Presidentit të ri të Shqipërisë.
Taulant Balla, kryetari i Grupit Parlamentar të Partisë Socialiste, këtë të hënë ka marrë votat e mazhorancës gjatë mbledhjes së Konferencës së Kryetarëve.
Gjatë fjalës së tij në Kuvendin e Shqipërisë, Balla ka propozuar që afati i fundit për dorëzimin e kandidaturave për president, të jetë po më datë 4 qershor në orën 12:00.
“Unë propozoj që raundi i katërt për votimin e Presidentit të Republikës, të zhvillohet ditën e shtunë, më datë 4 qershor, ora 18:00. Lidhur me pikën e dytë, afati i depozimit të kandidaturave të jetë data 4 qershor, ora 12:00. Ndërsa, afati i shqyrtimit të kandidaturave të jetë data 4 qershor ora 16:00”, ka thënë Balla.
Parta Socialiste mbledh kryesinë të premtën në orën 17:00, ndër të tjera në agjendë është edhe ecuria e procedurave të zgjedhjes së Presidentit të Republikës dhe vendimmarrja e kësaj force politike.