Ish-këshilltari i ish-presidentit Ibrahim Rugova, Alush Gashi, ka reaguar përmes një postimi ndaj presidentit serb, Aleksandër Vuçiq, i cili ka thënë të martën e 13 shtatorit në Kuvendin e Serbisë se “Kosova nuk ka qenë gjithmonë e jona”.
Ish-këshilltari i Rugovës ka thënë se Serbia ende nuk ka ndryshuar, sepse sipas tij kur kishin konsullatë në Prishtinë pala serbe gjithmonë ka folur për territor.
Më tej, Alush Gashi ka cekur edhe konsullatën serbe në Prishtinë që është mbajtur gjatë viteve 1889-1912.
“Presidenti Vuçiq në Parlamentin e Serbisë tha, “Kosova nuk ka qenë gjithmonë e jona. Ne kishim një konsullatë në Prishtinë, gjithmonë ka qenë për territor”. Serbia nuk ka ndryshuar! Përsëri po përpiqet të rrëmbejë territor! Konsullata serbe në Prishtinë 1889-1912”, ka shkruar Gashi në Twitter.
