Ambasadori i Gjermanisë në Kosovë, Jorn Rohde, ka reaguar pasi pjesëtarët e rinj të Policisë së Kosovës të cilët janë nga komuniteti serb, kanë marrë kërcënime se janë në Polici të Kosovës.
Ndërsa, kryediplomati gjerman në Kosovë ka thënë se kjo fushatë e frikësimit është shqetësuese.
“Kjo fushatë frikësimi është absolutisht shqetësuese. Duhet të ndalet menjëherë”, ka shkruar Rohde në Twitter.
Më tutje, ai ka thënë se policët e rinj duhet të kenë mbështetje.
“Policët e rinj të Kosovës nga komunitetet e pakicës boshnjake, rome, serbe dhe turke meritojnë të gjithë mbështetjen, veçanërisht nga komunat dhe qytetarët ku janë të dislokuar”, ka përfunduar ambasadori gjerman në Kosovë.
Fully agree. This intimidation campaign is absolutely disconcerting. It should stop immediately. The new policemen from 🇽🇰’s Bosniak, Roma, Serbian and Turkish minority communities deserve all the support especially from the municipalities and the citizens where they are deployed https://t.co/gMOT3l4ia6
— Ambassador Jörn Rohde (@GermanAmbKOS) July 26, 2023