Stanley Kubrick do të shfaqet gjatë çdo debati për regjisorin më të madh amerikan në historinë e filmit. Filmografia pothuajse e përsosur e Kubrick përcaktoi trajektoren e ardhshme të kinemasë amerikane në mënyra të panumërta, duke formësuar zhanre të tëra përmes veprave të pavdekshme si 2001: A Space Odyssey dhe The Shining.
Krijimet kinematografike të Kubrick kanë mbetur jetike për kulturën popullore bashkëkohore, duke frymëzuar breza të shumtë kineastësh aspirues.
Nga Christopher Nolan te Alfonso Cuarón, shumë regjisorë të shquar i detyrohen një borxh të madh Kubrick, sepse ata kanë marrë hua nga vizioni i tij për të krijuar të tyren.
Kubrick vlerësoi shumë lartë regjisorin Max Ophuls, pasi sipas tij ka një dhuntyi të jashtëzakonshmë për të nuhatur tema shumë të mira.
“Më lartë se të gjithë do të vlerësoja Max Ophuls, i cili për mua zotëronte çdo cilësi të mundshme. Ai ka një dhunti të jashtëzakonshme për të nuhatur tema të mira, dhe ai mori maksimumin prej tyre. Ai ishte gjithashtu një regjisor i mrekullueshëm”, shkruan Far Out.
Kur bëhej fjalë për kineastët amerikanë, kishte vetëm një figurë të cilën Kubrick e konsideronte si një prerje mbi të tjerët.
Ai nuk ishte askush tjetër përveç Elia Kazan, regjisori pas klasikëve si On the Waterfront.
Kubrick deklaroi për Kazan duke thënë “pa diskutim, regjisori më i mirë që kemi në Amerikë, dhe i aftë për të bërë mrekulli me aktorët që përdor”.
Ai definitivisht nuk ishte i vetëm në këtë mendim pasi edhe Nicholas Ray gjithashtu përmendi Kazan si “regjisorin më të mirë të aktorit që Shtetet e Bashkuara kanë prodhuar ndonjëherë”.
Vizioni i Kazanit për kinemanë është thellësisht i lidhur me evolucionin e kinemasë amerikane dhe veprat e tij kanë ndikuar shumë në disa nga kineastët më të mëdhenj që punojnë sot, duke përfshirë Martin Scorsese.
Megjithëse Kubrick besonte se Kazan ishte ndër regjisorët më të talentuar në histori, ai nuk përfshiu asnjë nga veprat e Kazanit kur bëri një listë me dhjetë filmat e tij të preferuar në vitin 1963. Në vend të filmave të Kazanit, lista citonte veprat e regjisorëve të tjerë amerikanë, si Orson Welles.