Sa herë t’ju shkojë ndërmend për të ngrënë diçka, qëroni një karotë. Jo vetëm që do t’ju shijojë dhe s’do t’ju rëndojë organizmin , por do të kujtoni që jeni duke i bërë shëndetit një nder të madh. Në vijim, do të shfaqim disa nga vetitë e mira që karotat kanë, dhe pse s’duhet t’i ndani asnjë ditë nga dieta juaj!
1.Kanë veti antiinflamatore
Një nga arsyet më të rëndësishme se pse duhen konsumuar karotat, është kapaciteti antiinflamator. Ato ndihmojnë në parandalimin e dhimbjeve të trupit, dhimbjen e kokës dhe të stomakut. Mund t’i hani të pagatuara ose të pjekura, funksioni i tyre nuk humbet.
2.Luftojnë kancerin
Karotat janë të pasura me vitaminë C dhe vitaminë A, në formën e beta-karrotenit, që njihen për stimulimin e rruazave të bardha të gjakut. Kështu, ato e ndihmojnë trupin të luftojë qelizat kancerogjene.
3.Përmirësojnë tretjen
Karotat janë një nga burimet më të mira të fibrave. Ndihmojnë njerëzit që kanë probleme me tretjen, pasi përmbajnë vitaminë B dhe magnez.
4.Janë të pasura me fibra
Duhet të konsumoni shumë fibra, që të qëndroni të shëndetshëm. Por shumica e njerëzve preferojnë të konsumojnë krundet e grurit dhe tërshërën, në vend të diçkaje më natyrale si karrota. Ajo përmban shumë fibra të dobishme dhe ka shumë pak kalori. Nëse jeni të uritur, hani një karotë dhe do të keni ndjesinë e ngopjes. Karota tretet shumë më lehtë se çdo ushqim tjetër që përmban fibra.
5.Kanë veti antiplakje
Karota ju ndihmon të qëndroni të rinj, jo vetëm në trup, por edhe në mendje. Duke ngrënë karota çdo ditë, do ta mbani trupin në gjendje shumë të mirë për një kohë të gjatë.
6.Kanë veti antibakteriale
Karotat luftojnë bakteret. Ato ju ndihmojnë të luftoni viruset dhe parazitët në mënyrë natyrale. Duke përdorur karota çdo ditë, shumica e sëmundjeve që mund të keni, do të zhduken.
7.Luftojnë aknet
Karotat ju ndihmojnë të keni një lëkurë të pastër dhe të shndritshme, me ndihmën e vitaminës A. Konsumi i karotave ju ndihmon në luftën kundër akneve, inflamacioneve dhe gjërave të tjera të pakëndshme, që i ndodhin lëkurës suaj. Ngrënia e një karote është më e dobishme, më natyrale dhe më e lirë se çdo trajtim artificial në përmirësimin e lëkurës.