Pamja e jashtme gjithmonë është ndër më të rëndësishmet nga momenti i parë kur dalim nga shtëpia, e grimi zakonisht është ndër zgjidhjet e para tek të gjitha femrat për një dukje të bukur e elegante.
Kremi pudër, njohur ndryshe si fondatina është një ndër produktet kozmetike më të dashura e më të përdorura nga femrat në të gjithë botën.
Sipas statistikave nga kompanitë lider në fushën e kozmetikës, është produkti i dytë më i përdorur pas buzëkuqit.
Ekspozimi në diell, temperaturat e larta, ngrënia, lëvizjet e vazhdueshme si kruarja apo kalimi spontan i gishtave në fytyrë bëjnë që të mos rezistojë gjatë tërë ditës. Pavarësisht fondatinës që përdorni, sërish ajo do të fshihet. Blogeret më të njohura kanë zbuluar një truk shumë interesant që e mban të fiksuar fondatinën për shumë orë dhe ajo është pudra e bebes.
Ky produkt bën mrekulli kudo dhe për këdo. Pasi keni aplikuar kremin hidratues, lëreni që të veprojë derisa ta thithi lëkura dhe më pas aplikoni pudër bebeje te zona poshtë syve, hunda, mjekra dhe mbi buzë. Më pas vendosni korrektorin dhe kremin pudër të zakonshëm.
Tani një zgjidhje e re dhe shumë e përshtatshme për të gjitha vajzat, duke vendour pudrën për bebe në fytyr makeup-i juaj do të jet gjithnjë i freskët dhe i pastër.