Ambasadori i Gjermanisë në Kosovë, Jorn Rohde, ka thënë se Kosova duhet ta zbatojë vendimin e Gjykatës Kushtetuese për Manastirin e Deçanit.
Rohde tha se sundimi i ligjit “à la carte” (të zgjedhësh gjërat sipas dëshirës, jo sipas një parimi më të madh) nuk e hap rrugën e Kosovës drejt anëtarësimit në Këshillin e Evropës e as drejt Bashkimit Evropian.
“Mbështetjen e Kosovës në rrugën e saj drejt integrimit evropian e kemi shumë për zemër, por edhe Kosova duhet ta bëjë pjesën e saj”, ka shkruar Rohde.
Sharing my 🇪🇺's colleague's concern here as well. Rule of law "à la carte" does neither pave the way towards the @coe nor the European Union!
Supporting 🇽🇰 on its way of European integration is close to our heart, but Kosovo has to do its part as well. https://t.co/CsyyhJXWGI— Ambassador Jörn Rohde (@GermanAmbKOS) January 24, 2024
Kjo deklaratë e ambasadorit gjerman vjen në mbështetje të deklaratës së shefit të Zyrës së BE-së në Kosovë, Tomas Szunyog, i cili dje gjatë vizitës që i ka bërë Gjykatës Kushtetuese ka kërkuar që vendimet e saj të zbatohen plotësisht.
“Vendimet e Gjykatës Kushtetuese të respektohen dhe zbatohen plotësisht, përfshirë edhe aktgjykimin e datës 19 maj 2016 për çështjen e Manastirit të Deçanit”, është shprehur Szunyog.