Roth takon Lajçakun, kërkon të mbahen premtimet për Kosovën, Shqipërinë e Maqedoninë e Veriut

Ish-ministri gjerman i Shtetit për Evropën, Michael Roth, ka kërkuar që të mbahen premtimet e dhëna nga Bashkimi Evropian për Kosovën, Shqipërinë dhe Maqedoninë e Veriut.

Ai, gjatë një takimi me të dërguarin special të BE-së për Ballkanin Perëndimor, Miroslav Lajçak, i ka kërkuar liberalizimin e vizave, ndërkaq kërkesa e tij për Shqipërinë dhe Maqedoninë e Veriut ishte anëtarësimi në BE.

Me anë të një postimi në Twitter, Roth ka shkruar se shtetet e Ballkanit Perëndimor meritojnë më shumë se fjalët e thëna.

“I dashur Miroslav Lajçak, faleminderit për vizitën tuaj dhe punën tuaj të shkëlqyer. BE-ja duhet të mbajë premtimet e saj: fillimin e bisedimeve të anëtarësimit me Shqipërinë dhe Maqedoninë e Veriut, dhe liberalizimin e vizave për Kosovën. Demokracia dhe sundimi i ligjit kanë rëndësi”, ka shkruar Roth.

Ndryshe, Lajçak, të mërkurën e dy shkurtit, në një konferencë për media në Prishtinë kishte thënë se çështja e liberalizimit të vizave për Kosovën nuk është çështje e procesit të dialogut me Serbinë.

“Vërtetë besoj që Kosova meriton që t’i jepet regjimi pa viza, e ka merituar para shumë kohe, Komisioni Evropian e ka thënë qartë se Kosova i ka plotësuar të gjitha kushtet, por e dini se kjo nuk është çështje e dialogut”, ishte shprehur Lajçak.

Sipas tij, kjo çështje i takon vendeve anëtare.

“Është çështje që kërkon marrëveshje konsensuale të 27 vendeve anëtare, dhe mund të ju them se sa herë që informoj shtetet anëtare e ngrisë këtë çështje, se sa e dhimbshme është kjo çështje në Kosovë, vërtet shpresoj se nuk do të marrë shumë kohë para se të shohim një liberalizim të vizave”, kishte theksuar ai.

Ndryshe, Eurodeputetja në Parlamentin Evropian dhe raportuesja për Kosovën, Viola von Cramon, në një konferencë për media në Veriun e Mitrovicës, më katër mars të vitit 2022, kishte potencuar se BE është katër vjet me vonesë për t’ia dhënë Kosovës liberalizimin e vizave.

“Gjithmonë e kam dritën jeshile për këtë proces, por nuk është e gjitha në duart e Parlamentit Evropian. E kemi konfirmuar që Kosova i ka plotësuar të gjitha kërkesat teknike, e di që jemi katër vjet me vonesë”, ishte shprehur ajo.

Cramon, e cila është në një vizitë zyrtare në Kosovë, të enjten e tre marsit e shoqëruar me shefin e zyrës në BE, Tomas Szunyog ka takuar Kryeministrin e Kosovës, Albin Kurti, me ç’rast kanë diskutuar për situatën në Ukrainë pas agresion ushtarak të Rusisë.

Shija e redaktorit

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Skender Beck, shqiptari nga Amerika na dërgon tinguj të Rock’n...

Shtetet e Bashkuara të Amerikës, vendi ku dolën shumë artistë të mëdhenjë si Bob Dylan, Jim Morrison, Jimi Hendrix, dhe shumë të tjerë, nga...

Më të lexuarat

Babai i Marigona Osmanit: Në qoftë se Marigona do të...

Në Shëngjin kishin qëndruar rreth 3-4 orë, në një bisedë me Dardanin, babait të Marigona Osmanit i ishte dukur si njeri i qetë. Për...

Një person largohet nga një restorant në Pejë pa paguar...

Një person mashkull shihet duke ngrënë mengjes, dhe menjëherë pas përfundimit ai shihet duke u larguar pa komunikuar me ndonjë kamerier nga restoranti. Pamjet e...

Babai i Marigona Osmanit: Nëna e Krivaqës më thoshte kam...

Muhabi Osmani - babai i të ndjerës, Marigona Osmani, e ka përshkruar këtë të fundit si një vajzë të qetë, të urtë e të...

Të fundit nga rubrika