Deputeti i Partisë Demokratike të Kosovës, Eman Rrahmani, ka kritikuar pushtetin për mënyrën se si po trajton fjalën e deputetëve gjatë këtij sesioni parlamentar.
Rrahmani, i ftuar në “FIVE” në Dukagjin, tha se që nga fillimi i sesionit, përfaqësuesit e pushtetit, duke përfshirë kryetaren dhe nënkryetarin e Kuvendit, po përpiqen të cënojnë fjalën e deputetëve.
Mes tjerash, Rrahmani thotë se çdo herë kur deputetët opozitarë shpërfaqin ‘të bëmat’ e pushtetit u ndalet fjala në Kuvend, njofton Dukagjini.
“Pushteti si çdo herë në momentin që i shpërfaqë mundohen me ndal fjalën e lirë dhe fjalën e deputetëve në vazhdimësi gjatë këtij këtij sesioni parlamentar qysh prej fillimit, qoftë prej Kryetares tash edhe nënkryetari, janë duke cenuar fjalën e deputetëve teksa sponsorizojnë ekspozita që cenojnë vlerat tona dhe fyejnë të gjithë ata që mbijetuan nga gjenocidi serb. Asnjë deputetë i Listës Serbe dhe asnjë deputetë i Lëvizjes Vetëvendosje nuk ka qenë i pranishëm pas kthimit nga pauza në Kuvend dhe unë mbi bazën e fakteve e thash pasi ata janë përfaqësues të partive politike që mungonin në seancë dhe tentativa që të mos shpërfaqet kjo nga nënkryetari nuk mund të kalojë”, u shpreh Rrahmani.
“Dje, sot dhe në secilin rast kur deputetët e shpërfaqin pushtetin vjen ndalja e fjalës që nuk bazohet në asgjë, ky veprim është diçka për t’u habitur në nivelin që kanë arritur”, u shpreh Rrahmani.
Rrahmani, mes tjerash, kritikoi Qeverinë për vonesën në marrjen e masave lidhur me heqjen e akcizës për çmimin e naftës.
“Jemi vonë në marrjen e masave, kanë kaluar një muaj që nga rritja e cmimeve të derivateve dhe inflacioni i përgjithshëm po jep efektin e vetë dhe kurdo tash e tutje që kjo Qeveri ose Kuvendi të marrë ndonjë masë efekti do të jetë i vogël pas cmimet tashmë janë ngritur”, u shpreh Rrahmani.