Skemës programore të Radiotelevizionit Dukagjini i është shtuar edhe një tjetër emision i ri. Bëhet fjalë për emisionin “Moment” nën moderimin e Gresa Bajramit.
Për pesë ditë rresht, nga e hëna deri në të premten, me fillim nga ora 18:40, nën përkujdesjen e gazetarëve të emisionit, ju do të keni mundësi të njiheni me personazhe të ndryshme, rrëfime, reportazhe, e ngjarje aktuale.
Gjithashtu, do të ketë lidhje të drejtpërdrejta me gazetarët tanë, të cilët do të prezantojnë aktivitetet të ndryshme. Po ashtu, në kuadër të këtij emisioni, ju do të keni mundësi të njihni personazhe të suksesshme.
Pjesë e emisionit do jetë edhe loja shpërblyese, duke afruar kështu edhe më afër audiencën.
Nuk do të mungojnë as bisedat në studio me tematika të ndryshme. Këto, e shumëçka tjetër, tashmë do të mund t’i shihni në emisioni më të ri “Moment”.
Juve ju mbetet të na ndiqni nga ora 18:40, nga e hëna deri në të premten.