Tre shpërthime u dëgjuan, pastaj u ndërpre energjia elektrike të martën në qytetin e dytë më të madh të Ukrainës, Kharkiv, raportoi një dëshmitar për Reuters.
“Nuk ka drita në disa pjesë të qytetit. Ndërsa informacioni për viktimat po specifikohet,” tha kryetari i bashkisë së Kharkiv, Ihor Terekhov, në kanalin e tij Telegram. Ai gjithashtu raportoi një sulm të katërt.
Shërbimi rajonal i emergjencës në Kharkiv ka bërë të ditur se shpërthimet shkatërruan një transformator elektrik dhe goditën një punëtori.
Terekhov tha se një strukturë infrastrukturore u godit dhe tha se autoritetet po punonin për të rikthyer energjinë sa më shpejt të jetë e mundur.
Nuk u raportuan viktima, por kompania rajonale e energjisë tha se 18 mijë e 500 klientë në lagjet Shevchenkivsky, Kholodnogirsky dhe Novobavarsky të qytetit kishin humbur energjinë elektrike.
Ministria e Mbrojtjes së Britanisë tha në raportin e përditshëm për luftën në Ukrainë se luftime të ashpra po ashtu po vazhdojnë në rajonin e Kherson-it.
Sulmi rus erdhi saktësisht një javë pas një sulmi të ngjashëm që goditi një oborr të transportit hekurudhor aty pranë, si dhe blloqe banimi.
Luftimet e fundit erdhën pasi zyrtarët amerikanë thanë se Uashingtoni po përgatit një paketë të re armësh prej 1.1 miliardë dollarësh për Ukrainën që do të shpallet së shpejti.