Sa parashihet dënimi maksimal për të miturit që kryejnë krime?

Avokati Asdren Hoxha ka vlerësuar se nëse rasti kualifikohet si "lëndim i rëndë trupor me pasoja fatale", dy të dyshuarit e mitur për vrasjen e 18-vjeçarit në Podujevë nuk mund të dënohen me më shumë se 5 vjet burgim, ndërsa nëse kualifikohet si "vrasje e rëndë", dënimi mund të shkojë deri në 10 vjet burgim

Foto ilustruese

Nëse rasti i vrasjes së 18-vjeçarit në Podujevë kualifikohet “lëndim i rëndë trupor me pasoja fatale”, dënimi për dy të dyshuarit e mitur nuk mund të jetë mbi 5 vjet burgim. Nëse, në anën tjetër, kualifikohet si “vrasje e rëndë”, dënimi mund të shkojë deri në 10 vjet burgim.

Kështu ka vlerësuar avokati Asdren Hoxha, duke theksuar gjithashtu se procedura për të miturit është e ndryshme, pasi nuk mund të hetohet apo të ngrihet aktakuzë.

“Nisur nga kodi i drejtësisë për të mitur, duhet pasur parasysh dënimi për të mitur nuk mund të jetë më i vogël se gjashtë muaj, por jo edhe më i madh se pesë vjet. Në rastet ekstreme të miturit mund t’u shqiptohet dënim mbi 5 vjet, por jo më shumë se 10 vite në asnjë mënyrë, vetëm atëherë në qoftë se i mituri kryen vepër penale për të cilën parashihet dënimi më burgim të përjetshëm apo në qoftë se i kryen dy vepra në mënyrë kumulative për të cilat dënimi parashihet mbi dhjetë vite burgim” ka deklaruar Hoxha në emisionin Rreth e Rrotull.

Sipas tij, në këtë rast kualifikimi ligjor do të jetë i vështirë “për të vërtetuar qëllimin për vrasje” dhe se afati për shqyrtimin e rastit është 24 orë, edhe aty duhet të merret vendimi për procedurën përgatitore.

Ndërkaq, psikologu Dorjan Krasniqi, duke analizuar ngjarjen, ka theksuar se mosha e të dyshuarve është e ndjeshme dhe ndryshimet emocionale dhe trupore janë të mëdha në adoleshencë.

Megjithatë, ai ka thënë se çdo individ duhet të mbajë përgjegjësi për veprimet e tij.

“Mosha e tyre është delikate sepse ndryshimet janë të mëdha në adoleshencë, qoftë emocionale, qoftë trupore, qoftë sociale. Mirëpo, secili duhet të mbajë përgjegjësi për veprimet e tij. Ajo që pamë në këtë rast ishte brutalitet, ka qenë një sulm i cili mendoj që qoftë me paramendim apo jo, një person është i vdekur”, ka thënë ai.

Prania e dhunës te të miturit, sipas psikologut Krasniqi, ka të bëjë edhe me mungesën e edukimit të mirëfilltë.

“Ligjet e buta ndoshta edhe trajtimi i butë krahas veprës që e bëjnë, mund ta shkaktojë këtë, po ashtu keqedukimi edhe problemet që jemi duke i hasur në shkollimin e tyre, qoftë edhe në llojin e prindërimit. Reagimet janë të dobëta, bëhen reagime në rrjete sociale, por në raste të tilla duhet të ketë ashpërsim të masave”, ka shtuar Krasniqi.

Lulzim Fejzuallahu, 18-vjeçari nga Podujeva vdiq pasi dyshohet se u godit me veturë dhe më pas u rrah brutalisht më 14 janar, nga dy të mitur në rrugën “Drenica”.

Prokuroria Themelore në Prishtinë fillimisht e kishte cilësuar rastin si “tentim vrasje”, por më pas e ka ricilësuar si “vrasje e rëndë”.

Dy të miturit e dyshuar janë ndaluar dhe u është caktuar masa e paraburgimit.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika