Zëvendësministri i Drejtësisë, Blerim Sallahu, në emisionin “Debat Plus” ka thënë se sipas raportit të parë të Institutit zviceran thuhet se brenda qelisë së Astrit Deharit ka qenë një person i tretë.
Sipas tij, ky person i tretë ka ndërhyrë në vrasjen e Astrit Deharit.
“..ai zviceran (Instituti) e ka cilësuar që ka qenë një person i tretë brenda burgut(qelisë) dhe aty ai person ka ndërhyrë në këtë rast. Ai person ka ndërhyrë në vrasjen e Asitrit Deharit”, ka thënë Sallahu.
Ndërsa, sa i përket video-incizimeve nga kamerat e Institutit të Mjekësisë Ligjore nga ku janë zhdukur mostrat e Astrit Deharit, Sallahu ka thënë se ato incizime dhe provat e tjera i ka marrë Policia e Kosovës dhe Prokuroria.