Emisari i Gjermanisë për Ballkanin Perëndimor, Manuel Sarrazin, e ka dënuar sulmin ndaj Policisë së Kosovës në veri, ku mbeti i vrarë rreshteri Afrim Bunjaku.
Sarrazin pas takimit me Kurtin, tha se sulmi ndaj Policisë së Kosovës ishte sulm kriminal e terrorist.
Ai i ka shprehur ngushëllime familjes së policit Afrim Bunjaku, i cili mbeti i vrarë në këtë aksion.
Ai u shpreh se do të qëndrojnë në anën e Kosovës në këtë situatë.
“Dje, ne pamë një situatë të tmerrshme, të tmerrshme dhe dua ta them në mënyrë shumë të qartë se ne fuqishëm i dënojmë sulmet kriminale dhe terroriste ndaj Policisë së Kosovës dhe jemi këtu për të shprehur solidaritetin dhe ngushëllimet tona edhe ndaj fëmijëve të shërbyesve policorë të Kosovës dhe ndaj të gjithë vendit të Kosovës. Jemi këtu në solidarizim dhe qëndrojmë në anën tuaj në këtë situatë”, tha ai.