“Arti e shpirti nuk kanë moshë dhe nuk dua t’i lë më gjërat pas dore”.
Kështu thotë një zë i cili i është rikthyer skenës me këngën “S’dua”, këngë kjo e cila tashmë ka prekur gjysëmfinalen e Këngës Magjike 2022.
E ftuar në “Drive on D” me Donika Hyseni dhe Mirdon Pacolli, Jehona Shaqiri vjen në ambientet e Radio Dukagjinit për të folur më shumë rreth baladës së saj më të re në bashkëpunim me Armend Rexhepagiqin, Aida Burakun dhe Fatjon Miftarin, këngën “S’dua”.
“Fatmirësisht, i kam që të tre miq. Por sa është e mirë, është edhe e keqe ngase i neglizhon ndonjëherë. Kemi dashur që të bashkëpunojmë që moti, ka qenë një rastësi dhe ka lind ideja dhe thamë pse jo, po e provojmë në këngën magjike”, ka thënë Shaqiri.
Se cili është vendi i preferuar për të perfomuar, ajo ka thënë se cili nga vendet ka diçka të veçantë që i ofron. Si rrjedhojë, është problem t’i ndash, tregon ajo.
Ndonëse skena është faltorja e një këngëtari, Jehona thotë se përgjatë kohës në skenë arrin të ndjejë një energji nga ana e publikut, e njëherit edhe nga ajo e këngës që këndon.