Prokuroria Speciale e Kosovës ka ngritur aktakuzë ndaj tre personave, J.V., D.V., dhe I.D., për shpërthimin në kanalin e Ibër-Lepencit më 29 nëntor 2024.
Gjykata në Prishtinë ka caktuar që seanca fillestare për këtë çështje të mbahet më 24 dhjetor 2025, në ora 09:30.
Sipas aktakuzës, të pandehurit akuzohen për “rrezikimin e rendit kushtetues me shkatërrimin ose dëmtimin e instalimeve dhe pajisjeve publike”, “kryerje të veprës terroriste”, “armëmbajtje pa leje” dhe “spiunazh”.
Aktakuza thotë se J.V. dhe D.V., së bashku me persona ende të panjohur, “pas një marrëveshje paraprake, kanë vendosur eksploziv [rreth 20 kilogramë të llojit Trinitrotoluene ‘TNT’] në brendësi të kanalit”.
Detaje tjera nga aktakuza: “Një sulm tjetër ishte planifikuar në tetor 2024”