Sekretari i Ministrisë së Mbrojtjes së Gjermanisë, Jan Stoss, ka realizuar sot një vizitë në Kosovë, ku është takuar me ushtarët gjermanë që shërbejnë në kuadër të misionit të KFOR-it.
Gjatë vizitës, Stoss fillimisht është pritur nga i Ngarkuari me Punë i Gjermanisë në Kosovë, Christian Böttcher, për të vazhduar më pas drejt Kampit Film City, ku u prit nga Koloneli Müller, Komandanti i kontingjentit gjerman.
Sipas njoftimit zyrtar, sekretari i Ministrisë gjermane të Mbrojtjes ka shprehur mirënjohje për përkushtimin dhe profesionalizmin e burrave dhe grave që shërbejnë në KFOR, duke vlerësuar kontributin e tyre të rëndësishëm për ruajtjen e paqes dhe stabilitetit në rajon.
“Dr. Stoss shprehu mirënjohje për përkushtimin dhe profesionalizmin e burrave dhe grave që shërbejnë në KFOR. Ai gjithashtu fitoi njohuri të vlefshme mbi operacionet e tyre të përditshme dhe sfidat me të cilat përballen në terren”, thuhet në njoftimin e Ambasadës gjermane.